معك 200 ريال؟

دائماً نطالب المجتمع والوطن بأن يقدم لنا خدمات وتسهيلات وهذا من حقنا…

ولكن هل سبق أن سئلت نفسك ماذا قدمت أنت للوطن وللمجتمع؟

أتضايق عندما أسئل نفسي هذا السؤال، أحس أن ليس في يدي حيله…

فالح بس بالكلام…

أطلب وأطالب وأتمنى، ولكن أنا ماذا قدمت؟

اليوم هو اليوم العربي لليتيم، اليتيم الذي احترقت عيناه بالبكاء…

هل تعلم أن تكلفة كفالة اليتيم هي 200 ريال سعودي شهرياً فقط؟

وهي تساوي 4 وجبات عشاء في مطعم متوسط الدرجة…

هل 200 ريال كثيرة على يتيم؟

ربما تريد أن تكون عضوا فعلاً بخبراتك واهتماماتك في جمعية إنسان، أدفع فقط 1000 ريال سنوياً لتكون عضواً عاملاً أو ادفع 100 ريال سنوياً لتكون عضواً منتسب.

لمزيد من المعلومات، أرجوا منكم زيارة موقع جمعية إنسان على هذا العنوان: http://www.ensan.org.sa

فلان بن فلان الفلاني وإسم أمه فلانة

دقائق الفراغ قد تتسبب أحياناً بضغطٍ كبيرٍ على معالجات الدماغ بسبب التفكير في أي شيء ليشغلك عن عدم التفكير.
فمن أصعب الأمور أن أقوم بالتنحان بدون هواجيس، حتى إنني جربت التأمل الشرق آسيوي لأطفيء مخي ولكني لم أستطع.

المهم خطرت لي كم فكرة في وقتها كانت جهنمية وقعدت أتفلسف على نفسي بدون سالفة وتوصلت إلى بعض الحلول لبعض المشاكل وبدأت بفكرة مع أنها غير قابلة للتطبيق ولكنها قد تحد من إنتشار الجرائم.

بينما كنت أقرأ خبراً في جريدة الحياة عن القبض على بعض الإرهابيين في لبنان، وكان البيان إذا لم تخنني الذاكرة صادراً من الأمن الداخلي، حيث عرضت أسماء أعضاء الخلية الإرهابية وذكرت بعد اسمهم الثلاثي أسماء أمهامتهم!

وكان أحدهم سعودي الجنسية وكتبوا في الجريدة اسم أمه! فيها قبايل هاذي!

فقلت لو كل ما مسكنا حرامي نشرنا اسمه واسم أمه أكيد الحرامية بيفكروا مرتين قبل ما يمدوا يدهم على ممتلكات غيرهم!

بس الحل المضمون والقابل للتطبيق هو إن دولتنا تلتزم بدستورنا وتنفذ الحكم الشرعي في السارق والسارقة وتقطع يد الحرامي، ولعرض الحائط يا حقوق الإنسان، تطبيق دستورنا أولى!

و شيء آخر انتشر بشكل كبير، أعتقد أنه من المحزن المزايدة على دم قتيل وبيعه علنياً في الصحف. فلان قتل علان ولكي نعفوا عنه (لوجه الله تعالى) نطلب 10 مليون ريال! هذا والله إستغلال للموقف وبيع علني لدم المقتول!

الدكتور عايض القرني كان أبلغ مني في هذا المجال وكتب مقالاً رائعاً بعنوان “هل يجوز بيع دم القتيل؟

أنا أرى أنه يجب وضع حدٍ أقصى للدية، ولا يكون الموضوع مزايدة وطلب تخفيضات.
ما أدري مين لازم يطبق هذا القرار القضاء أو حماية المستهلك؟

يا مجلس الوزراء هذه بلادي

يا مجلس الوزراء!

فيكم أشخاص ما يتقون الله في مناصبهم!

لأن الصور هذي المفروض ما تطلع من بلادي:

المصادر:

رسالة إلى الدكتور غازي القصيبي

إنتقل إلى رحمة الله الدكتور غازي القصيبي صباح اليوم (الأثنين 6 رمضان 1431 هـ – 16 اغسطس 2010م) عمر هذه الرسالة ثلاث سنوات ونصف:

عزيزي الدكتور غازي القصيبي،

السلام عليكم ورحمة الله وبركاته،

بصفتي مواطن لهذا البلد الذي لم يدخر جهداً لدعم وإعطاء الثقة للمسئولين أمثالكم لكي ترفعوا من مقدار هذا البلد الكريم ومقدار مواطنيه.

وبصفتي محب ومعجب بك وبأسلوبك الإداري وبإنجازاتك لهذا البلد فإنني حملت جزء من همك لخدمة مواطني هذا البلد وإيجاد الحل لمشكلة تسمى بالسعودة وإن كان أسمها الحقيقي أعطاء الموظف السعودي حقة بدون إقلال مقدار السواعد الغير سعودية التي ساعدت في بناء هذا البلد.

عزيزي الدكتور غازي أعتقد أن الحل يجب أن يبدءا بالاستعانة بالله ومن ثم الإستعانة بدستورنا وهو القرآن الكريم والسنة النبوية، فديننا الحنيف يحث على المساواة وإعطاء كل ذي حق حقه.

وبناءاً على مبدءا المساواة فيجب علينا المساواة بين السعودي والغير سعودي في أعطاء فرص العمل والمساواة أيضاً في حقوق  الموظف السعودي والغير السعودي، وبما أن من الصعب في الوقت الحالي أعطاء الموظف الغير سعودي نفس حقوق الموظف السعودي فالحل يكمن في جعل الموظف السعودي في وضع مشابه لوضع الموظف الغير سعودي.

ولطرح تفاصيل هذا الحل فلنبدأ بالاعتراف بعدم جدوى حل فرض نسب السعودة، فإسلوب الفرض غير مجدي في جميع الأحوال ونحن في بداية الطريق للتجارة الحرة ووضع القيود ليس في مصلحة التجارة والاقتصاد الوطني.

ونسمع دائما رجال الأعمال يرددون مقارنة الموظف السعودي بالموظف الغير سعودي بأن هذا الأخير أفضل من السعودي من ناحية الجدية في العمل والالتزام به، ويقوم منهم من غير أصحاب العمل بنفي ذلك وإعطاء أمثلة على موظفين سعوديين في قطاعات عمل أثبتو جدارتهم وأنهم كفئ ويرد أصحاب العمل بأمثلة عكس ذلك وندور في حلقة مفرغة.

الحل في وجهة نظري هو القيام بإنشاء هيئة الموظفين السعوديين وهي هيئة تقوم بإصدار تصاريح عمل للموظف السعودي ليتوظف في القطاع التجاري أو القطاع الحكومي، فعند رغبة الموظف في العمل في شركة أو مؤسسة تجارية فيجب علية أن يقدم خطاب من الجهة التجارية التي يريد التوظف فيها يبين أنها ترغب في توظيف هذا الموظف ومرفق مع هذا الخطاب عقد التوظيف الإلزامي، وعند التصديق على هذا العقد والتأكد أن هذا الموظف لا يوجد عليه حقوق من وظيفته السابقة وأن الجهة التي كان يعمل فيها موافقة على هذا النقل يتم إصدار تصريح بالعمل في جهة التجارية الجديدة ويتم إلغاء تصريح العمل القديم للشركة السابقة.

وعند الشكوى من هروب أو تسيب أو عدم جدية في العمل تقوم الجهة التجارية بإبلاغ هيئة الموظفين السعوديين لكي لا يتم توظيفه في إي مكان أخر قبل أن يقوم بإرجاع كل حقوق الجهة الذي كان موظفاً فيها، بعد التحقق من صدق الجهة التجاري وشكوى الموظف إن وجدت.

وعند حدوث عكس ذلك من قبل الشركة أو المؤسسة من هضم حق الموظف بالإخلال بشروط العقد أو الطرد الجائر فيتم مراجعة الجهة التجارية والمطالبة بحقوق الموظف القانونية.

فستكون هيئة الموظفين السعوديين مثل “كفيل” السعودي وتقوم بعمل الجوازات من ناحية نقل العمل وستكون حامي حقوق الموظفين السعوديين والجهات التجارية أيضاً، فلن يتخوف صاحب العمل بعد تطبيق هذا الحل من الموظف السعودي ولن يتخوف الموظف السعودي من صاحب العمل.

وبهذا ساوينا بين الموظف السعودي والموظف الغير سعودي.

أرجو أن يكون هذا الشرح المبسط لحل مشكلة البطالة كافياً وأن يكون وقت قراءتكم لهذا الخطاب في مصلحة الوطن.

دعواتي لك بالتوفيق،

رائد حمد السعيد

حصائد أقلامهم

هناك خط دقيق بين المقال الذي يهدم الوطن والمقال الذي يبنيه، فإذا كنت لا ترى هذا الخط فلا تكتب.

هناك فرق بين النصح وأحداث الفتنة.

القلم مثل السلاح، قد يستخدم للدفاع عن الوطن وقد يستخدم للهجوم عليه.
فإذا كنت لا تعلم أين وجهة قلمك، فأنزله.

لا تصدق كل ما يقال ويكتب، ولا تكتب وتقول كل ما تسمع وتقرأ بدون أن تتأكد بنفسك من الحقيقة وتستمع للطرفين.

المتهم بريء حتى تثبت أدانته والوطن بريء حتى تثبت أدانته، فلا تدين ولا تبرئ وأنت لست بقاضي.

إذا كنت كاتب أو مدون فصفتك تلك لا تمنحك حصانة ضد أحكام الشرع في التشهير والطعن والسباب وفاحش الكلام والافتراء والتضليل والبهتان بحجة إبداء الرأي، فليس من حق أحد أن يشيع الفساد بحجة إبداء الرأي، قال تعالى: “وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوًّا مُّبِينًا”-(سورة الإسراء:53), وقد ورد التحذير من آفات اللسان: “وهل يكب الناس على وجوههم” أو قال: “على مناخرهم إلا حصائد ألسنتهم” (رواه ابن ماجة والترمذي والحاكم وصححه على شرط البخاري ومسلم) (1)

فالكذب على الناس وقذفهم بالباطل بلا برهان من البهتان الذي حرمه الله ورسوله،كما قال الله تعالى: “وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَاناً وَإِثْماً مُبِيناً”-(الأحزاب:58)، وفي الحديث الصحيح يقول النبي صلى الله عليه وسلم: “سباب المسلم فسوق وقتاله كفر.” (رواه مسلم)، وأخرج مسلم كذلك من حديث أبي هريرة رضي الله عنه قال: قال رسول الله صلى الله عليه وسلم: “لا تحاسدوا ولا تناجشوا ولا تباغضوا ولا تدابروا ولا يبع بعضكم على بيع بعض، وكونوا عباد الله إخواناً، المسلم أخو المسلم لا يظلمه ولا يخذله ولا يحقره، التقوى ها هنا” ويشير إلى صدره ثلاث مرات، “بحسب امرئ من الشر أن يحقر أخاه المسلم، كل المسلم على المسلم حرام دمه وماله وعرضه.”

مباشر FM درس للديموقراطية

كثير استغربوا أنه هناك برنامج كمباشر FM برنامج يتصل عليه أي شخص ليصل صوته للملك عبد الله بن عبد العزيز.

وقد يقابل المتصل الملك شخصياً في أقل من أسبوع من اتصاله، ليروي له شكواه بدون وسيط.

يعني إذا كنت مظلوم لا تشتكي لمنتديات الساحات (وخاصة أنها لا تسمح لك بالكتابة بدون واسطة) ولا تبني موقع تشرح فيه قصة ظلمك، ولا تتبكبك على قناة الإصلاح أو الجزيرة.

فقط أتصل على مباشر FM وعلى الهواء مباشرة اشتكي وقص قصتك وأذكر الأسماء صريحة بدون مونتاج لأنك وحدك ستكون المسؤول إن لم تكن أميناً في تظلمك على الآخرين مهما كانوا أمراء أو عامل نظافة.

فإن كان لك حق فسيعود لك حقك وإن كنت تقذف الناس بما ليس فيهم فالقانون سيقتص منك.

رسالة خاصة لبعض أصحاب المعالي:
اتقوا الله في مناصبكم! فمن ما أسمع من مشاكل الناس أحسست أنكم أجساد لملئ الكراسي فقط.
اتقوا الله في مناصبكم! فالمواطن والمقيم وولاة الأمر أصبحوا لا يثقون في أكثركم.
اتقوا الله في مناصبكم! لكي لا نحتاج لمباشر FM.
اتقوا الله في مناصبكم! أصبحتم تخشون برنامج إذاعي أكثر مما تخشون خالقكم!

هذا تسجيل لحلقة هذا الأسبوع يوم الإثنين 5-2-2007

powered by ODEO

الدعوة إلى سبيل الله في مسرحية (وسطي بلا وسطية)

ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ (125) سورة النحل

عيب والله! عيب على الشباب ما عملوه للدعوة إلى سبيل الله!

والله هذه ليست الطريقة للدعوة إلى سبيل الله، ألم يقرءون القران؟

هل الدعوة إلى سبيل الله بالعصي والضرب؟

عيب والله! عيب على منظمي أسبوع كلية اليمامة الثقافي “التي أخطأت في استئثار طرف دون طرف بالحديث على المنصة” كما قال فضيلة الدكتور عبد الله الزايدي -عضو هيئة التدريس بجامعة الإمام محمد بن سعود.

حيث قال “المفترض على إدارة الكلية أن تفسح المجال لأطراف متنوعة للحديث عن أزمة الثقافة العربية، فبدلاً من أن يكون الحديث كله خاصاً بالليبراليين فقط، يكون هناك تنوع في الاتجاه بحيث يقدم الندوة اثنان من الاتجاه الليبرالي، واثنان من أهل العلم والشرع”.
وطالب الزايدي في حديثه لشبكة “الإسلام اليوم” بضرورة المساواة في إتاحة الفرص للجميع في التعبير عن آرائهم، مؤكداً “أن الأكثرية في هذه البلاد يختلفون مع ما ورد في هذه الندوة، فلماذا يتاح المجال للأقلية، ويحرم الأكثرية المثول على منصة الندوة”.

بسطة مكعيل

قصة قصيرة بقلم الصاهود من منتديات الصفوه.

مكعيل هذا رجل بسيط يماني من صعده .. بلغني انه من يهود اليمن …
الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب “قواطي متربه” ..!
الناس تروح وتجي وتبيع وتشتيري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
هاك اليوم جا احد المحسنين .. وعطف عليه ،
قال له : مكعيل .. وش تبيع ؟
قال : علب “قواطي” قديمة ..
قال المحسن : وش فيها ؟ قال مكعيل : تراب ..!!
الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع ..
اندهش المحسن ..!
قال : طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين “شكله منسم” وما عنده غير هالعلبتين ..
ابي اتقرب الى الله وافك عقدته واشتريها منه وخلصنا ..
والصدقة تجوز على الكلب..
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ..
وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح …
قال المحسن : شفيك .. شفيك .. خير .. عسى ما شر .. مالك يا مكعييييييل ؟؟؟! “بلهجتهم”
قال مكعيل : العلب اللي شريتها مني …. ، قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها منطوله .. قال : ايه .. موجوده
قال مكعيل : تبيعها ؟
اندهش المحسن وفغر فاه .. قال : انا الحين مسوي فيك خير ومخلصك منها ..
تجي تشتري ثانية .! والله ما تلقى احد ياخذها منك بعدي ..
قال مكعيل : اخلص علي .. ابعطيك فيها ربح بس تكفى بعني اياها ..
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ..
قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..
يوم جا العصر والا هالرجال الطيب معلم جيرانه كلهم عن مكعيل وسوق مكعيل ..
قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..
اندهش الجميع وبدأ سوق مكعيل يثير فضول الجميع حتى التجار الشطار ..
جوا عنده اليوم الثاني والا هو صاف له 20 قوطي ومعبيهم تراب …
الناس تطاقوا عنده .. كل واحد يبي يلحق له اكبر كمية قبل غيره ..
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطه …
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة ..
ادخلها بسطته بدون علاوة اصدار حتى ..
وعباها تراب وبسط فيها اليوم الثاني
صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..
المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق
وتكفى يا مكعيل ، وبكم يامكعيل ؟ : قال العلبة بـ 95ريال …!!!!!!!!
ما كمل كلمتة والا البسطة باللي عليها ممسوحه مسح ..
مكعيل يالله امداه يتلاحق على (…..) بغوا يشيلونها مع القواطي يحسبونها علب ..!
حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..
عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .
راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني …!!!!!!!! عسى ما شر .
قال : صحيح .. صحيح .. والله انا غيرت النشاط …!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!
صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءه بالترااااااااااااب … !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد ا

قال إيه … حقوق المرأة .. قال

مقال ممتع وصلني بالبريد الإلكتروني باللهجة الحجازية اللذيذة!

قال إيه … حقوق المرأة .. قال

ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر … سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده … الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه … بالله عليكي حتسيبي بيتك وعيالك وشغلك … عشان تناقشي مشروع إنتخابي؟ هادا من تمام الفضاوه.
طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ..وقدامه وحده في الشهر التاسع واقفه على رجولها وشايله طفل تاني على كتفها … إن الشحط يتحرك؟ .. أبدا…إن الثور يحس؟ …لايمكن. لكن هل يمكن يحصل هادا في السعودية؟ أبدا .. واللي يبغى يجرب .. الطريق قدامو …. يا عمي العملية كلها دلع حريم في دلع حريم .. رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟
قال حقوق المرأة .. قال.

منظر عام

رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات … وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي… وثلاثين باكستاني… وخمسين سعودي… واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال .. خليني في الطابور .. زَيِّي زيكم؟! … ليش ما تقول كده؟! … والا هي تماحيك وبَس! ونفس المنظر في الجوازات .. والأحوال .. والتأمينات .. ويقدر أحد .. يقول إنه من ظهر أبوه .. يفتح فمُّه؟ … على طول يسمع العبارة الشهيرة .. ( عيب عليك .. إنت ما تستحي؟ .. هذه حرمة…إنت ما عندك أهل!)) ..ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟
قال حقوق المرأة .. هه!

اقتصاديا

شوف الراجل… السبع… الغضنفر… المفتري…له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط… تقدر تفتح محل خياطة رجالي محترم. ويا ريت تحط من مكياجها في البيت .. لأ. دا بَس للخروج … وقيمة صباع روج والا علبة بودره تساوي قيمة جوال جوزها … وكمان ازيدك من الشعر قصر .. مو بيت … من حقوقها فستان لكل فرح… و مكياج… و كوفيرة…وجزمة ..وشنطه. وكمان خُدوا هادي .. سابع بنت عمي … ملكة أخت جارتنا .. ولازم هديه … واللطخ يدفع … مو مهم الفلوس جات من فين … المهم يدفع … والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده …
قال إيه! حقوق المرأة.

نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .. كإنه كان في شرم الشيخ .. والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره .. جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه … … … … ومع هادا كُّلو ..لازم يبقى رومانسي.
بينما هي وبكل سهولة تصحى بسلامتها في الضُّهر…وتجد الكارثة الكبرى….يوه …ما عندنا صلصه…وبكل رقة تتصل…ألو ألو ..أبو خالد موجود؟ ممكن أكلمه لو سمحت؟ ألو .. إيوه… أنا .. حتكون مين يعني؟… المهم .. جيب معاك غدا … ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ….. طيب.
وفوق هذا كله آخر السنه: طفشانه …فين حتودينا …والله بنت خالتي راحت أمريكا .. وبنت عمي ما تصيف إلا فْ أوروبا… يا عيني علينا إللي ما نروح غير يا مصر .. يا سوريا … والسنة اللي غيَّرنا فيها .. رحنا ماليزيا.
وفي رمضان: تعبت ..أوف …إنت داري عن حاجه؟ أنا أبغى خدامة… أنا خلااااااااص .. ومن ثالث يوم رمضان …مقاضي العيد من جده …أختي جابت ملابس لها ولعيالها .. إيش أقولَّك بس … وخُد مشاوير لليييييييييييل … والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو … على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟
قال إيه؟ .. حقوق المرأة.

شرعا

المرأة لها حظ من أبوها .. وحظ من زوجها .. هادا غير أمها .. وأخوانها .. وأبناءها .. والراجل مطالب إنو هو اللي يصرف عليها مهما كان عندها فلوس.
وثانيا: الرجال لازم يروحوا للمسجد خمس مرات في اليوم .. جمع وجماعات .. حر وبرد .. ليل وصبح .. لازم يروحوا … بينما الست تصلي تحت المكيف .. في غرفتها .. وأجرها زي الرجال تماما … ياعيني .. يا عيني .. والله الإسلام أعطاكم كتير .. وياريتو يِبان فيكم.

إجتماعيا

الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) .. وسعادتها ما تبدأ تتمكيج وتسرح شعرها إلا بعد العِشا .. وكل شويه تقول :خلَّصت .. وهي ما سوت شي لِسَّه .. والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي .. هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف .. وطبعا ممنوع يقول لها: (إيش أخَّرِك؟) والا يا ويلو .. وبعد ما يوصلها .. يستحيل يغتنم الفرصه ويروح هوَّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق .. والباقي بعد ما توصل البيت .. يعني الرجَّال ما يلحق يشوف مِنُّو شي.
وإذا بعد شهر أو شهر ونص جات لو عزيمه في زواج .. أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. )هو إنت ما تعرف تِقِر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره
لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب!

موتي ولا دمعة أُمّي

وصلني بريد مؤثر من أخي ماجد بعنوان “أفااااا يا حمدااااان امك تناديك”وهذا نصة:

هذه كلمات كتبتها الأم والتي تشكي إلى الله حالها
بعد ان دخلها ابنها (دار العجزة) وهذا الفعل يبكي حتى القلب القاسي لمن له قلب حنون

وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا

تكرمين يا أمي تكوني خدامة لي
تكفون تكفون الله الله بالأم .. يا كثر أفضالها علينا